Евро—2016 вақтида Ўзбекистон Олий Лигаси мухлислар ташрифи борасидаги жорий мавсум антирекордини қайд этди

Футбол бўйича Ўзбекистон Олий Лигаси 13-тур учрашувларини томоша қилиш учун 25 152 нафар ишқибоз стадионга ташриф буюрди, деб хабар берди «Championat.asia». Бу 2016 йилги мавсум ҳисобидан энг паст кўрсаткич.

• Олий Лига. «Пахтакор» мавсумдаги тўртинчи мағлубиятини «Шўртан»дан қабул қилиб олди

• Олий лига. «Металлург» Наманганда зафар қучиб, 3-ўринга кўтарилди. «Бухоро» эса «Пахтакор»дан ўзиб кетди

«Кўча-кўйга чиқар экансиз, мухлисларни Олий Лигага жалб қилиш борасида деярли ҳеч қаерда тарғиботни кўрмайсиз», деб ёзди «Championat.asia». Хабарда Ўзбекистондаги битта стадионнинг ўзи 25 152 нафар мухлисни сиғдира олиши мумкин бўлган бир пайтда, 7 та учрашувга ҳеч бўлмаганда шунча ишқибоз келмагани алоҳида кўрсатилган.

Маълумот учун, Олий Лига 13-тури доирасидаги «Локомотив» — «Қизилқум» учрашуви номаълум муддатга қолдирилган. «Бу ўйинга ҳам нари борса 800/1000 нафар мухлис келиши мумкин», деб ёзилади хабарда.

Ўзбекистон Олий Лигаси 13-турида мухлислар ташрифининг камайиб кетишига Евро—2016 беллашувларининг старт олгани ёки Рамазон ойининг давом этаётгани таъсир кўрсатган ёки йўқлиги борасида маълумот берилмаган.