“Qamchiq”dan o‘tgan birinchi poyezd, Yulduz Usmonovaning ShHTga atalgan qo‘shig‘i, O‘zbekistonda ommalashgan Prisma va kunning boshqa muhim yangiliklari

22-iyunning e’tiborga molik yangiliklari — “Daryo”ning kechki dayjestida.

1. Yevro—2016. O‘n uchinchi kun. Islandiya — Avstriya, Vengriya — Portugaliya, Italiya — Irlandiya, Shvetsiya — Belgiya. Live.

2. O‘zbekiston va Xitoy rahbarlari “Qamchiq” tunneli orqali harakatlanishga birgalikda start berdi. 22-iyun kuni Toshkentdagi “O‘zekspomarkaz”da “Angren–Pop” elektrlashtirilgan temir yo‘li va mazkur ulkan loyiha doirasida qurilgan tunnelning tantanali ochilish marosimi bo‘lib o‘tdi.

3. Yulduz Usmonova Shanxay hamkorlik tashkiloti sammitiga bag‘ishlab qo‘shiq kuyladi. Sammit kunlari esa Toshkentning qator ko‘chalarida harakat cheklanadi.

4. O‘zbekistonda avvalgi yillarda o‘qishga kira olmagan abituriyentlarning hujjat topshirishi pullik bo‘lgani haqidagi mish-mishlar rad etildi. Bundan tashqari, test imtihonlari 20-iyulga ko‘chirilgani haqidagi mish-mishlar ham rad etilgan.

5. Prisma O‘zbekistonda App Store’dan eng ko‘p yuklab olinayotgan dasturga aylandi. Prisma suratlarni Mark Shagal, Edvard Munk va boshqa mashhur rassomlarning uslubiga moslab o‘zgartirish imkonini beradi.

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.