Prisma o‘nta mamlakat — Rossiya, Belarus, Estoniya, Moldaviya, Qirg‘iziston, O‘zbekiston, Qozog‘iston, Latviya, Armaniston va Ukrainada App Store’dan eng ko‘p yuklab olinayotgan dasturga aylandi. Rossiyalik ishlab chiqaruvchilar tomonidan yaratilgan Prisma dasturi 11-iyun kuni ishga tushgan edi, deya xabar bermoqda UZ24.
Prisma suratlarni Mark Shagal, Edvard Munk va boshqa mashhur rassomlarning uslubiga moslab o‘zgartirish imkonini beradi.
“Vedomosti”ning qayd etishicha, suratlarni turli shaklda qayta ishlash imkoniyatini beruvchi dastur katta shuhrat qozongan.
Eslatib o‘tamiz, mart oyida Facebook ijtimoiy tarmog‘i Belarusning Masquerade (MSQRD) startapini sotib olganligi haqida xabar berilgan edi. U smartfonga olinayotgan videoga real vaqt rejimida kulgili filtr-niqoblar qo‘yish imkonini beradi.
