“O‘zeltexsanoat” kompaniyasiga tarkibiga kiruvchi korxonalar 2016-yilning birinchi choragida sanoat mahsulotlari ishlab chiqarishni 20% (227,3 milliard so‘mgacha), xalq iste’moli mollarini 3 foizga (73,5 milliard so‘mgacha) ko‘paytirdi. Mahsulotlarning 33,7 foizi eksportga jo‘natildi. Bu haqda kompaniya axborot xizmati ma’lum qildi, deya xabar beradi “Gazeta.uz”.
Keyingi besh yil davomida ilgari import qilingan maishiy texnikaning 25 dan ortiq turini tayyorlash o‘zlashtirildi. Bugungi kunga kelib maishiy texnika ichki bozorining 40—45 foizi mahalliy mahsulotlar hisobiga qoplanmoqda.
Joriy yilda kompaniya ichki bozorning mahalliy mahsulot bilan to‘ldirilishi darajasini yanada ko‘paytirishni mo‘ljallamoqda. Jumladan, bu ko‘rsatkichlar konditsionerlarda 37,2, gaz va elektr plitalarda 56, televizorlarda 60,1, muzlatgichlarda 32,5, kir yuvish mashinalarida esa 65 foizgacha yetishi kutilmoqda.
Izoh (0)