Ichki ishlar vazirligi Toshkentning 23—24-iyun kunlari harakat cheklanadigan ko‘chalari ro‘yxatini e’lon qildi. Ro‘yxat IIV saytida e’lon qilingan.
Toshkentda Shanxay hamkorlik tashkiloti sammiti o‘tkazilishi munosabati bilan, 23—24-iyun kunlari O‘zbekiston poytaxtining qator ko‘chalarida transport vositalari harakati vaqtincha cheklanadi.
Ko‘chalar ro‘yxati
- Qori Niyoziy ko‘chasi — Niyozbek yo‘lidan Abdulla Qodiriy ko‘chasiga bo‘lgan qismi;
- Abdulla Qodiriy ko‘chasi — Abay ko‘chasidan Movaraunnahr ko‘chasigacha;
- Osiyo ko‘chasi — Zulfiyaxonim ko‘chasidan Amir Temur shoh ko‘chasigacha;
- Kichik halqa yo‘li — Amir Temur shoh ko‘chasidan Ko‘rgazma ko‘chasigacha;
- Shastri ko‘chasi — O‘zbekiston ovozi ko‘chasidan Mustaqillik shoh ko‘chasigacha;
- Yahyo G‘ulomov ko‘chasi — O‘zbekiston ovozi ko‘chasidan Oloy ko‘chasigacha;
- Shahrisabz ko‘chasi — Amir Temur shoh ko‘chasidan Istiqbol ko‘chasigacha;
- Amir Temur shoh ko‘chasi — Osiyo ko‘chasidan Shahrisabz ko‘chasigacha;
- Oloy ko‘chasi — Yahyo G‘ulomov ko‘chasidan Shahrisabz ko‘chasigacha;
- O‘zbekiston ovozi ko‘chasi — Yahyo G‘ulomov ko‘chasidan Shahrisabz ko‘chasigacha;
- Taraqqiyot ko‘chasi — Kichik halqa yo‘lidan Shahrisabz ko‘chasigacha;
- Istiqbol ko‘chasi — Shahrisabz ko‘chasidan Amir Temur shoh ko‘chasigacha;
- O‘zbekiston shoh ko‘chasi — Taras Shevchenko ko‘chasidan Amir Temur shoh ko‘chasigacha;
- Shohjahon ko‘chasi — Askiya ko‘chasidan Bobur ko‘chasigacha;
- Rakat ko‘chasi — Askiya ko‘chasidan Bobur ko‘chasigacha;
- O‘rikzor ko‘chasi — Askiya ko‘chasidan Bobur ko‘chasigacha.
IIV yo‘l harakati qatnashchilaridan zarurat bo‘lmaganda ushbu ko‘chalardan shaxsiy transportlarda imkon qadar harakatlanmaslikni va jamoat transportidan foydalanishni so‘ragan.
“Yo‘l harakati xavfsizligini ta’minlash masadida amalga oshirilayotgan cheklashlar uchun uzr so‘raymiz”, — deyiladi vazirlik axborotida.
Izoh (0)