NATO bosh kotibi Yens Stoltenberg Shimoliy Koreya tomonidan ballistik raketalar uchirilishini qoraladi. Bu haqda uning Bryusselda 22-iyun, chorshanba kuni tarqatilgan bayonotida ma’lum qilingan, deya xabar beradi “TASS”.
“KXDR tomonidan ikki ballistik raketa uchirilishini keskin qoralayman. Bunday fitna qo‘zg‘ovchi harakatlar xalqaro xavfsizlik va muloqotga raxna soladi”, — deya ta’kidlanadi bayonotda.
Bosh kotibga ko‘ra, “NATO KXDRni zimmasidagi majburiyatlarni to‘liq bajarish, tahdid qilmaslik, ballistik raketalar texnologiyasidan foydalanib uchirishlarni amalga oshirmaslik va kelgusida har qanday provokatsiyalardan tiyilishga chaqiradi”.
Eslatib o‘tamiz, Janubiy Koreya harbiylari KXDR tomonidan sutka mobaynida ikki marta raketa uchirilganini qayd etdi.
Izoh (0)