AQSh Kongressi vakillar palatasining sobiq a’zosi Chaka Fatta shaxsiy boyish maqsadida korrupsiyaga qo‘l urganlikda aybdor deb topildi. Bu haqda Pensilvaniya shtati sharqiy okrugi prokuraturasi vakillari ma’lum qildi, deya xabar beradi “TASS”.
Fatta va uning yordamchilari poraxo‘rlik, firibgarlik, pochta o‘g‘riligida ayblanmoqda. Sobiq kongressmen yolg‘on ko‘rsatmalar berish va mablag‘dan noqonuniy foydalanishda ham gumon qilingan.
AQSh prokurori yordamchisi Lesli Kolduellga ko‘ra, Fatta xayriya va federal fondlar mablag‘larini o‘zlashtirgan. Tergov siyosatchi bir necha yilllar davomida mazkur jinoyatlarni amalga oshirib kelganini taxmin qilmoqda.
Sobiq kongressmen hukm chiqarilishini kutmoqda, unga 20 yilgacha bo‘lgan qamoq jazosi berilishi mumkin.
Izoh (0)