Braziliya harbiy xizmatchilari Olimpiada mash’alasi Manaus shahriga keltirilishiga bag‘ishlangan tadbirlarda ishtirok etayotgan yaguarni otib tashladi. Bunday chora jonivor nazoratdan chiqib ketib, veterinarlardan biriga tashlanmoqchi bo‘lganidan so‘ng qo‘llandi, deya xabar beradi El Nuevo Herald.
“Oldiniga yaguarni tibbiy preparatlar yordamida bartaraf etishga harakat qilindi, biroq to‘rtinchi dozadan keyin jonivor veterinarlardan biri tomonga yo‘l oldi. Xodimning xavfsizligini ta’minlash uchun yaguarni qurbon qilishga to‘g‘ri keldi”, — deya ta’kidlagan polkovnik Luis Gustavo Evelin.
Estafeta davomida yaguarning yonida tadbir ishtirokchilari va sayyohlar rasmga tushgan. Biroq tashkilotchilarda jonivorning tadbirda ishtirok etishi uchun ruxsat bo‘lmagan.
Ma’lumot uchun, Rio-de-Janeyroda 5—21-avgust kunlari bo‘lib o‘tadigan Olimpiada o‘yinlari timsoli etib yaguar tanlangan.
Izoh (0)