НАТО бош котиби Йенс Столтенберг Шимолий Корея томонидан баллистик ракеталар учирилишини қоралади. Бу ҳақда унинг Брюсселда 22 июнь, чоршанба куни тарқатилган баёнотида маълум қилинган, дея хабар беради «ТАСС».
«КХДР томонидан икки баллистик ракета учирилишини кескин қоралайман. Бундай фитна қўзғовчи ҳаракатлар халқаро хавфсизлик ва мулоқотга рахна солади», — дея таъкидланади баёнотда.
Бош котибга кўра, «НАТО КХДРни зиммасидаги мажбуриятларни тўлиқ бажариш, таҳдид қилмаслик, баллистик ракеталар технологиясидан фойдаланиб учиришларни амалга оширмаслик ва келгусида ҳар қандай провокациялардан тийилишга чақиради».
Эслатиб ўтамиз, Жанубий Корея ҳарбийлари КХДР томонидан сутка мобайнида икки марта ракета учирилганини қайд этди.
Изоҳ (0)