O‘zbekistonda Meizu Pro 5 va Pro 6 smartfonlari sotila boshladi, deb yozadi “Mobinfo.uz”. Smartfonlar bir-biridan displey hajmi, protsessor, tezkor xotira hajmi, shuningdek, akkumulyator batareyasi sig‘imi bilan farq qiladi.
Meizu Pro 5 5,7 dyuymli va 1920×1080 pikselli ekran, Samsung Exynos 7420 protsessori, 3 Gb tezkor va 32 Gb ichki xotira, 3050 mA/soat sig‘imli batareyaga ega.
Meizu Pro 6 esa 5,2 dyuymli va 1920×1080 pikselli ekran, MediaTek Helio X25 protsessori, 4 Gb tezkor va 64 Gb ichki xotira, 2560 mA/soat sig‘imli batareya bilan jihozlangan.
Har ikkala smartfon ham 21 megapikselli asosiy kamera bilan ta’minlangan. Biroq Meizu Pro 6 nisbatan ko‘proq xususiyatlarga ega, chunonchi, u bosim kuchiga (3D Press) javob ko‘rsatadi, Android 6.0 Marshmallow’ga asoslangan Flyme 5.2 operatsion tizimida ishlaydi.
Poytaxtdagi “Fleshka” savdo markazida Meizu Pro 6 (64 Gb ichki xotirali versiyasi) 3,5 million so‘m, Meizu Pro 5 (3 Gb tezkor va 32 Gb ichki xotira) esa 2,9 million so‘mdan sotilmoqda.
Ushbu qurilmani ko‘rsatilgan narxda sotib olishga “Daryo” nashri kafolat bermaydi. Qurilma va uning narxi haqidagi axborot faqat tanishish uchun taqdim etilgan.
Izoh (0)