Ўзбекистонда Meizu Pro 5 ва Pro 6 смартфонлари сотила бошлади, деб ёзади «Mobinfo.uz». Смартфонлар бир-биридан дисплей ҳажми, процессор, тезкор хотира ҳажми, шунингдек, аккумулятор батареяси сиғими билан фарқ қилади.
Meizu Pro 5 5,7 дюймли ва 1920×1080 пикселли экран, Samsung Exynos 7420 процессори, 3 Гб тезкор ва 32 Гб ички хотира, 3050 мА/соат сиғимли батареяга эга.
Meizu Pro 6 эса 5,2 дюймли ва 1920×1080 пикселли экран, MediaTek Helio X25 процессори, 4 Гб тезкор ва 64 Гб ички хотира, 2560 мА/соат сиғимли батарея билан жиҳозланган.
Ҳар иккала смартфон ҳам 21 мегапикселли асосий камера билан таъминланган. Бироқ Meizu Pro 6 нисбатан кўпроқ хусусиятларга эга, чунончи, у босим кучига (3D Press) жавоб кўрсатади, Android 6.0 Marshmallow’га асосланган Flyme 5.2 операцион тизимида ишлайди.
Пойтахтдаги «Флешка» савдо марказида Meizu Pro 6 (64 Гб ички хотирали версияси) 3,5 миллион сўм, Meizu Pro 5 (3 Гб тезкор ва 32 Гб ички хотира) эса 2,9 миллион сўмдан сотилмоқда.
Ушбу қурилмани кўрсатилган нархда сотиб олишга «Дарё» нашри кафолат бермайди. Қурилма ва унинг нархи ҳақидаги ахборот фақат танишиш учун тақдим этилган.
Изоҳ (0)