Rim papasi Fransisk Argentina prezidenti Maurisio Makrining tarkibida 666 raqami bo‘lgan xayriyasini qabul qilmadi, deb yozadi TJournal.
Iyun oyida Maurisio Makri Vatikanga 16,666 million Argentina pesosi (taxminan 1,2 million dollar)ni xayriya qilgan edi. Bu pul Argentinaning Fransisk qo‘llab-quvvatlaydigan Scholas xayriya jamg‘armasi uchun mo‘ljallangan edi.
Biroq Papa xayr-ehsondan voz kechdi. “Menga 666 xush kelmaydi”, — dedi pontifik.
Keyinroq Argentina tashqi ishlar vaziri Susan Malkorra xayriyadan voz kechish masalasini muhokama qilish uchun Papa bilan uchrashdi. Malkorra Fransisk va Makri o‘rtasida hech qanday sovuqchilik yo‘qligini ta’kidladi.
Ammo Argentina prezidentining iqtisodiy siyosati tanqidchilari fikricha, Rim Papasi argentinalik bo‘la turib, puldan voz kechish orqali yaqinda mamlakatda joriy etilgan qat’iy iqtisod rejimiga o‘z munosabatini bildirgan.
Bundan tashqari, Papa Argentina OAVlari xayr-ehsonni Buenos-Ayres va Vatikan o‘rtasidagi o‘zaro aloqalar yaxshilanishi belgisi sifatida ko‘rsatganidan achchiqlangan.
Izoh (0)