Singapur milliy universiteti qatorasiga uchinchi yil Osiyoning eng yaxshi oliy o‘quv yurti deb topildi. Buyuk Britaniyaning Quacquarelli Symonds kompaniyasi tomonidan tuzilgan mintaqaviy o‘quv yurtlari reytingi natijalari shundan dalolat bermoqda, deya xabar beradi “TASS”.
Ikkinchi o‘rinni o‘tgan yildagi kabi Gonkong universiteti egalladi. Undan keyin Singapurning yana bir o‘quv yurti — Nanyan texnologik universiteti joylashgan. To‘rtinchi o‘rinda Gonkong fan va texnologiyalar universiteti, beshinchi o‘rinda esa Pekin Sinxua universiteti qayd etilgan.
Tadqiqot davomida Osiyodagi 350 ta oliy o‘quv yurti akademik mavqe, ish beruvchilar fikri, talabalar sonining o‘qituvchilar soniga nisbati, xorijlik o‘qituvchi va talabalar, shuningdek, ilmiy unvonga ega xodimlar soni, ilmiy nashrlarda chop etilish faolligi, internet-resurslar samarasi kabi 10 ta omil bo‘yicha o‘rganildi.
Izoh (0)