Italiyaning Osteria Francescana muassasasi dunyodagi eng yaxshi restoran deb e’tirof etildi, deb yozadi “RIA Novosti”. Taqdirlash marosimi Nyu-Yorkda bo‘lib o‘tdi.
Osteria Francescana xalqaro e’tirofga ega bo‘lgan va dunyoning 50 ta eng yaxshi restorani ro‘yxatida birinchi o‘rinni egallagan ilk italyan restoraniga aylandi. U o‘tgan yilgi g‘olib — Ispaniyaning El Celler de Can Roca restoranini bir pog‘ona ortda qoldirdi.
Ro‘yxatning uchinchi qatorini Nyu-Yorkdagi Eleven Madison Park egalladi. Shuningdek, yuqori o‘ntalikka Peru, Daniya, Fransiya, Ispaniya, Yaponiya va Avstriya restoranlari kirdi.
Mukofot 2002-yildan buyon Restaurant jurnali tomonidan topshirib kelinadi. Hay’at tarkibiga jurnalist, bosh oshpaz va restoranlar xo‘jayinlaridan iborat 972 nafar ekspert kiradi.
Izoh (0)