AQSh Iroqda IShIDga qarshi operatsiyada birinchi marta Apache zarbali vertolyotidan foydalandi, deb yozadi “RBK” AQSh mudofaa vaziri Eshton Karterga tayanib.
Pentagon rahbari so‘zlariga ko‘ra, operatsiya Iroq hukumati so‘roviga ko‘ra Mosul yaqinida bo‘lib o‘tdi. Karterning aniqlik kiritishicha, missiyani amalga oshirish uchun bir nechta Apache vertolyotlari yuborilgan, ammo zarbani ulardan faqat bittasi bergan. Vazir aviazarba nishonini aytmadi, ammo uning yo‘q qilinganini ta’kidladi.
Shu yilning bahorida Iroq armiyasi jangarilar egallab olgan Mosulni ozod etishni boshladi. Unga AQSh rahbarligidagi koalitsiya aviatsiyasi havodan ko‘mak berib turibdi.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)