Rossiya Tergov qo‘mitasining G‘arbiy Sibir transportdagi tergov boshqarmasi A-33 samolyoti qulashi va ikki kishining o‘limi holati bo‘yicha jinoiy ish qo‘zg‘adi. Bu haqda “TASS” xabar bermoqda.
Boshqarma ma’lumotlariga ko‘ra, samolyot bo‘laklari, shuningdek, uchuvchi va yo‘lovchining jasadi Oltoy respublikasidagi havo kemasi parvoz qilgan Ust-Koks qishlog‘idan 24 kilometr uzoqlikdan topilgan. A-33 barnaullik tadbirkorga tegishli bo‘lib, samolyotni ham o‘zi boshqargan. U 11-iyun, shanba kuni kechki payt boshqa bir tadbirkor bilan uning yo‘qolib qolgan otlarini qidirish uchun yo‘l olgandi.
Hozirda tergov guruhi halokat joyiga yetib borgan va ro‘y bergan hodisa tafsilotlarini o‘rganmoqda. Qurbonlar jasadini olib kelish masalasi hal etilmoqda.
Izoh (0)