Afg‘oniston chegara politsiyasining ikki askari Pokiston chegarachilari bilan “Turxam” nazorat-o‘tkazish punktidagi to‘qnashuv chog‘ida o‘ldirildi va to‘rt nafari jarohat oldi. Bu haqda “Interfaks” xabar bermoqda.
“Ariana” telekanaliga ko‘ra, jangovar to‘qnashuvlar 13-iyun, dushanbaga o‘tar kechasi, pokistonlik harbiylar Afg‘oniston hududida darvoza o‘rnatmoqchi bo‘lganidan so‘ng boshlandi. Pokiston tomonining mazkur mojaro davomidagi yo‘qotishlari o‘lgan va yaralanganlar bilan 30 kishidan ziyod bo‘lgani bildirilmoqda. Biroq mamlakat rasmiylari faqat bir nafar askar yaralanganini tan oldi.
Izoh (0)