IShID guruhi AQShning Florida shtati Orlando shahridagi tungi klubda 50 kishining o‘limi uchun javobgarlikni o‘z bo‘yniga oldi. Bu haqda ekstremistlarga yaqin Amaq agentligiga tayanib, “RBK” xabar berdi.
Bundan tashqari, NBC News o‘z manbalariga tayanib, ma’lum qilishicha, hujumda gumon etilayotgan Umar Matin jinoyatdan bir daqiqa avval 911 ga qo‘ng‘iroq qilgan va IShID boshlig‘iga sodiqlikka qasam ichgan. Kanal manbalari aniqlik kiritishicha, Matin IShID mafkurasi tarafdori bo‘lgan.
29 yoshli Umar Matin AQShda tug‘ilgan, ammo uning ota-onasi asli afg‘onistonlikdir. FQB tergovchilar uning IShIDga aloqasini tekshirayotganini ma’lum qildi.
Eslatib o‘tamiz, AQSh prezidenti Barak Obama 50 kishi qurbon bo‘lishi, 53 kishi jarohatlanishiga olib kelgan Orlandodagi Pulse tungi klubiga hujumni “terakt” deb baholadi.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)