Россия Тергов қўмитасининг Ғарбий Сибир транспортдаги тергов бошқармаси А-33 самолёти қулаши ва икки кишининг ўлими ҳолати бўйича жиноий иш қўзғади. Бу ҳақда «ТАСС» хабар бермоқда.
Бошқарма маълумотларига кўра, самолёт бўлаклари, шунингдек, учувчи ва йўловчининг жасади Олтой республикасидаги ҳаво кемаси парвоз қилган Усть-Кокс қишлоғидан 24 километр узоқликдан топилган. А-33 барнауллик тадбиркорга тегишли бўлиб, самолётни ҳам ўзи бошқарган. У 11 июнь, шанба куни кечки пайт бошқа бир тадбиркор билан унинг йўқолиб қолган отларини қидириш учун йўл олганди.
Ҳозирда тергов гуруҳи ҳалокат жойига етиб борган ва рўй берган ҳодиса тафсилотларини ўрганмоқда. Қурбонлар жасадини олиб келиш масаласи ҳал этилмоқда.
Изоҳ (0)