Hindiston harbiy-havo kuchlariga qarashli MiG-27 qiruvchi-bombardimonchi samolyoti mamlakat shimoli-g‘arbida halokatga uchradi. Bu haqda “RIA Novosti” xabar bermoqda.
Times Now telekanali ma’lumotlariga ko‘ra, uchuvchilar katapultani amalga oshirgan va tirik qolgan. Samolyot qulashi oqibatida ikki uy shikastlangan. Yerda uch kishi jabrlangani ma’lum qilinmoqda.
Hodisa Rojasthon shtatining Jodxpur aviabazasidan 300 metr masofada sodir bo‘lgan. Halokat sabablari hozircha ma’lum emas.
Hindiston MiG-27 samolyotlarini sobiq Ittifoqdan 1960—1970-yillarda sotib olgan.
Izoh (0)