Yevro—2016 ning “B” guruhida ishtirok etayotgan Uels terma jamoasi musobaqani g‘alaba bilan boshladi. Slovakiyaga qarshi saf tortgan Garet Beyl jamoadoshlari 2:1 hisobida muvaffaqiyat qozondi.
Bellashuvda hisob aynan Garet Beyl tomonidan ochildi. 10-daqiqada “Real” a’zosi jarima zarbasini muvaffaqiyatli amalga oshirib, uelslik futbolchilarni hisobda oldinga olib chiqdi.
60-daqiqaga kelib Slovakiya terma jamoasi safida Ondrey Duda maydonga tushdi va oradan 1 daqiqa o‘tib hisobni tenglashtirdi. Biroq slovakiyalik futbolchilar durang natijani saqlab qola olmadi.
Bellashuv asosiy vaqti yakuniga 9 daqiqa vaqt qolganida Xel Robson-Kanu hisobni 2:1 ko‘rinishiga olib keldi va o‘z tarixida birinchi bor Yevropa Chempionatining final bosiqichida ishtirok etayotgan Uelsga 3 ochko taqdim etdi.
Qayd etish kerak, Slovakiya ham mustaqil davlat sifatida Yevro musobaqasida ilk bor ishtirok etmoqda.
“B” guruhidagi ikkinchi o‘yin 11-iyundan 12-iyunga o‘tar kechasi Toshkent vaqti bilan 00:00 da start oladi va unda Angliya terma jamoasi Rossiyaga qarshi maydonga tushadi.
[wpse_match id="351127" show_title=1]
Izoh (0)