Евро—2016 нинг «B» гуруҳида иштирок этаётган Уэльс терма жамоаси мусобақани ғалаба билан бошлади. Словакияга қарши саф тортган Гарет Бэйл жамоадошлари 2:1 ҳисобида муваффақият қозонди.
Беллашувда ҳисоб айнан Гарет Бэйл томонидан очилди. 10-дақиқада «Реал» аъзоси жарима зарбасини муваффақиятли амалга ошириб, уэльслик футболчиларни ҳисобда олдинга олиб чиқди.
60-дақиқага келиб Словакия терма жамоаси сафида Ондрей Дуда майдонга тушди ва орадан 1 дақиқа ўтиб ҳисобни тенглаштирди. Бироқ словакиялик футболчилар дуранг натижани сақлаб қола олмади.
Беллашув асосий вақти якунига 9 дақиқа вақт қолганида Хел Робсон-Кану ҳисобни 2:1 кўринишига олиб келди ва ўз тарихида биринчи бор Европа Чемпионатининг финал босиқичида иштирок этаётган Уэльсга 3 очко тақдим этди.
Қайд этиш керак, Словакия ҳам мустақил давлат сифатида Евро мусобақасида илк бор иштирок этмоқда.
«B» гуруҳидаги иккинчи ўйин 11 июндан 12 июнга ўтар кечаси Тошкент вақти билан 00:00 да старт олади ва унда Англия терма жамоаси Россияга қарши майдонга тушади.
[wpse_match id="351127" show_title=1]
Изоҳ (0)