Braziliya fuqarolarining 62,4 foizi Dilma Russeffga nisbatan impichment bildirilganini to‘g‘ri qaror deb hisoblaydi. Ularning yarmidan ortig‘i (50,3%) shu yil yangi saylovlar o‘tkazilishini istaydi. Bu haqda mamlakatda o‘tkazilgan so‘rov natijalariga asoslanib, Reuters ma’lum qildi, deya xabar beradi “TASS”.
So‘rov 2—5-iyun kunlari o‘tkazildi, unda 2002 nafar respondent qatnashdi. Statistik adashuv 2,2 foizni tashkil etishi mumkin.
Eslatib o‘tamiz, 12-may kuni Braziliya senati prezidentga nisbatan impichment jarayoni davom ettirilishini qo‘llab-quvvatladi. Bu esa Russeff davlat rahbarligidan chetlatilishi, vitse-prezident Mishel Temer uning vazifalarini bajarishga kirishishiga olib keldi.
Izoh (0)