Бразилия фуқароларининг 62,4 фоизи Дилма Руссеффга нисбатан импичмент билдирилганини тўғри қарор деб ҳисоблайди. Уларнинг ярмидан ортиғи (50,3%) шу йил янги сайловлар ўтказилишини истайди. Бу ҳақда мамлакатда ўтказилган сўров натижаларига асосланиб, Reuters маълум қилди, дея хабар беради «ТАСС».
Сўров 2—5 июнь кунлари ўтказилди, унда 2002 нафар респондент қатнашди. Статистик адашув 2,2 фоизни ташкил этиши мумкин.
Эслатиб ўтамиз, 12 май куни Бразилия сенати президентга нисбатан импичмент жараёни давом эттирилишини қўллаб-қувватлади. Бу эса Руссефф давлат раҳбарлигидан четлатилиши, вице-президент Мишел Темер унинг вазифаларини бажаришга киришишига олиб келди.
Изоҳ (0)