Irkutsk aviazavodida “kelajak layneri” deb atalayotgan, istalgan iqlim sharoitida foydalanish mumkin bo‘lgan MS-21-300 o‘rta magistraldagi yo‘lovchi samolyoti taqdim etildi. Marosimda Rossiya bosh vaziri Dmitriy Medvedev ishtirok etdi, deya xabar beradi Forbes.
Samolyotni ishlab chiqan “Irkut” korporatsiyasi rahbari Oleg Demchenkoga ko‘ra, MS-21-300 ning ilk parvozi 2016-yil dekabri—2017-yil fevralida bo‘lib o‘tishi, 2018-yil oxirida esa sertifikatga ega bo‘lishi kutilmoqda. Buyurtmachilarga samolyot yetkazib berilishining boshlanishi ham shu vaqtga mo‘ljallangan.
MS-21 ikki model: MS-21-200 va MS-21-300 dan iborat. Birinchi model 132 dan 165 nafargacha yo‘lovchini tashishga mo‘ljallangan. Ikkinchi model esa 163 dan 211 nafargacha yo‘lovchini bortga olishi mumkin. Hozirda “Irkut” korporatsiyasida 175 laynerga aniq, 100 samolyotga esa deyarli aniq buyurtmalar mavjud. Jumladan, “Aeroflot” 50 ta yangi havo kemasiga buyurtma bergan bo‘lib, ularni yetkazib berish 2018-yildan boshlanadi.
Izoh (0)