52 ёшли хитойлик мафиози Чен Юз ўзининг турмадан чиққани шарафига шунчалик дабдабали зиёфат уюштирдики, у туфайли яна полиция томонидан ҳибсга олинди, деб ёзади TJournal.
Юз ноқонуний қимор ўйинларини ташкил қилгани учун Хитой шимолидаги Шаньси провинциясида қаттиқ қўриқланадиган қамоқхонада етти йил ўтириб чиқди. Эркак ахлоқ тузатиш муассасаси биносидан чиққан вақтда уни олтита Hummer, 20 та Range Rover ва 30 та Mercedes автомобилларида юздан зиёд кишилик делегация кутиб олди.
Дарҳол Юз шарафига мушакбозлик уюштиришди, шундан сўнг бутун делегация яқин орадаги беш юлдузли меҳмонхона банкет залига бориб, янада кўпроқ одамлар иштирокида ҳашаматли зиёфат ўтказди.
Юз турмадан чиққанидан уч кун ўтгач, уни байрам чоғида «жамоатчилик тартибини бузганлик учун» қўлга олишди, бу унинг фаолиятини яна бир марта текширишга сабаб бўлди.
Изоҳ (0)