“Levada-sentr” rossiyaliklarning boshqa davlatlarga nisbatan munosabatiga bag‘ishlab o‘tkazgan so‘rovga ko‘ra AQSh, Ukraina va Turkiya mamlakatning asosiy dushmanlari hisoblanadi.
Respondentlarning 72 foizi AQSh, 48 foizi esa Ukrainaga (bu kuzatuvlar tarixidagi eng yuqori ko‘rsatkich) nisbatan salbiy manosabat bildirgan. Uchinchi o‘rinni 39% bilan Turkiya egalladi, vaholanki, o‘tgan yili bu davlatga so‘ralganlarning atigi 1 foizi dushmanlik ko‘zi bilan qaragandi.
Rossiyaga asosiy do‘st mamlakat sifatida Belarus tan olindi (50%). Mazkur ro‘yxatdagi ikkinchi o‘rinda 39% bilan Qozog‘iston qayd etildi. Uchinchi o‘ringa Xitoy loyiq ko‘rildi (34%, o‘tgan yili bu ko‘rsatkich 43 foizga teng bo‘lgan). Shuningdek, rossiyaliklarning 10 foizi Suriyani do‘st mamlakat deb biladi (2015-yilda 2%). O‘zbekistonni Rossiyaga do‘st mamlakat deb hisoblovchilar soni 8 foizdan 9 foizga oshdi.
Izoh (0)