Venada yig‘ilgan OPEK a’zolari neft qazib olish chegarasi borasida kelishuvga erisha olmagani bois 2-iyun, payshanba kuni neft narxi tushib ketdi, deb xabar bermoqda “RBK”.
Jumladan, Brent neftining avgustda yetkaziladigan fyucherslari London birjasida 48,85 dollarga tushdi. Bu bir kun oldingi savdolar yopilishidagi ko‘rsatkichdan (49,72 dollar) 0,87 dollarga kamroqdir.
Reuters agentligi OPEKning Venadagi uchrashuvida neft qazib olish miqdori yuzasidan kelishuvga erishilmagani haqidagi xabarni tarqatishidan besh daqiqa o‘tib neft narxi tushib ketdi. Bir muddatdan so‘ng narxlar yana 49 dollardan yuqoriga ko‘tarildi. Ayni paytda Brent neftining narxi 49,09 dollarni tashkil etmoqda.
Izoh (0)