Венада йиғилган ОПЕК аъзолари нефть қазиб олиш чегараси борасида келишувга эриша олмагани боис 2 июнь, пайшанба куни нефть нархи тушиб кетди, деб хабар бермоқда «РБК».
Жумладан, Brent нефтининг августда етказиладиган фьючерслари Лондон биржасида 48,85 долларга тушди. Бу бир кун олдинги савдолар ёпилишидаги кўрсаткичдан (49,72 доллар) 0,87 долларга камроқдир.
Reuters агентлиги ОПЕКнинг Венадаги учрашувида нефть қазиб олиш миқдори юзасидан келишувга эришилмагани ҳақидаги хабарни тарқатишидан беш дақиқа ўтиб нефть нархи тушиб кетди. Бир муддатдан сўнг нархлар яна 49 доллардан юқорига кўтарилди. Айни пайтда Brent нефтининг нархи 49,09 долларни ташкил этмоқда.
Изоҳ (0)