Toshkentning “Shahriston” metro bekati yaqinidagi chorrahada 2-iyun, payshanba kuni tongda Matiz va Spark avtomobillari ishtirokida yo‘l-transport hodisasi yuz berdi. Hodisa joyidan fotosuratlar, guvohlarning fikrlari Facebook’dagi “Voditeli Tashkenta” va “Voditeli Tashkenta (Drivers.uz)” guruhlarida qoldirilgan.
Avariya natijasida Amir Temur ko‘chasining Yunusobod markazidan Oloy bozori tomon yo‘nalishida to‘rt harakatlanish bo‘lagida tirbandlik yuzaga kelgan. “40 daqiqa davomida tirbandlikda turdim, chorrahaga yetmaguncha, nega turganimizni ham tushunganim yo‘q”, — deydi hodisa guvohlaridan biri.
Hodisa oqibatida jabrlanganlar haqida aniq ma’lumot yo‘q.
Izoh (0)