Foydalanuvchilar uchun o‘zining qulay yechimlarini taklif qilishdan charchamaydigan aqlli “Avtobor.uz” avtomobil izlash xizmati Android va iOS operatsion tizimida ishlovchi qurilmalar uchun o‘z mobil dasturlarini chiqardi.
Zamonaviy mobil qurilmalarda veb-saytlarning, ayniqsa, “Avtobor.uz” kabi izlash xizmatlarining bor kuchidan, saytning mobil versiyasi qanchalik mukammal qilib ishlanmasin, to‘liq foydalanib bo‘lmaydi. Bu borada mobil dasturlarning o‘rni bo‘lakcha — ularda ba’zan veb-saytning to‘liq versiyasida ko‘zda tutilmagan imkoniyatlar ham bo‘ladi.
Zamon bilan hamnafas “Avtobor.uz” xizmatining Android va iOS operatsion tizimlarida ishlovchi qurilmalar uchun mo‘ljallangan mobil dasturlari nafaqat izlash parametrlarining yetukligi, balki yangi e’lonni joylashtirishdagi qulayliklari bilan ajralib turadi — e’lonni kiritayotgan vaqtda asosiy ma’lumotlarni yozib emas, avvaldan to‘ldirilgan menyulardan tanlab kiritasiz.
Izlashdagi filtrlardan foydalanib, orzuingizdagi avtomobilni faqat belgilangan parametrlar (narxi, bosib o‘tgan masofasi va h.k.) asosida izlashingiz mumkin. Bundan tashqari, mobil dasturda “Avtobor.uz”ga qo‘shilgan so‘nggi e’lonlarni qo‘shilgan vaqti bo‘yicha, e’lonlarda ko‘rsatilgan avtomobillarni esa ishlab chiqarilgan yili, narxi, kilometraji bo‘yicha turkumlash mumkin. Mobil dastur aqlli — u Sizga maqbul kelgan e’longa o‘xshash boshqa takliflarni ham ko‘rishni taklif qila oladi.
Ba’zan shunday holatlar ham bo‘ladi — sotilayotgan avtomobillar haqidagi e’lonlarning ko‘pligi va dolzarbligi sabab, xaridorga bir emas, bir necha taklifni ma’qul kelishi mumkin. Shunday vaziyatlarda mobil dasturdagi “Taqqoslash” funksiyasi qo‘l keladi — uning yordamida u yoki bu avtomobilning ustun va kamchilik tomonlarini oson ilg‘ab olish mumkin.
Mashinangizni sotish niyatida “Avtobor.uz”ga e’lon joylashtirganingizdan so‘ng, bu haqda ko‘proq odam bilishini va tezroq xaridor topish istagida bo‘lasiz, albatta. Yoki, mashina sotib olmoqchisiz, bir e’londa ko‘rsatilgan avtomobil Sizga ma’qul keldi ham, lekin dadil qaror qabul qilishga ikkilanyapsiz — mashinani yaxshi tushunadigan do‘stlaringizning bir maslahat ortiqcha qilmaydigan vaziyatdasiz. Mobil dasturdagi “E’lonni baham ko‘rish” funksiyasi aynan shunday holatlar uchun mo‘ljallangan.
“Avtobor.uz”ning mobil dasturi imkoniyatlari bilan shu bilan cheklanib qolmaydi. Chet elda ishlab chiqarilgan yengil avtomobil yoki maxsus texnika sotib olish niyatida bo‘lganlar uchun alohida, GM Uzbekistan avtomobillari xaridorlari uchun alohida bo‘limlar tashkil etilgan bo‘lib, u yerda ixtisoslashgan avtosalonlar va ular taklif qilayotgan narxlar bilan batafsil tanishish mumkin.
Avtomobillarni aql bilan izlang — “Avtobor.uz”ning mobil dasturlarini yuklab oling!
Izoh (0)