Google mutaxassislari o‘zini boshqaradigan avtomobillar va bunga taalluqli texnologiyalar bilan shug‘ullanadigan maxsus markaz qurilishini ma’lum qildi. Uning umumiy maydoni 5000 metr kvadrat atrofida bo‘lishi ko‘zda tutilgan, deb xabar beradi 3Dnews.
Michigan shtatidagi Novi shahrida joylashishi aytilayotgan markaz Google mutaxassislari va kompaniya sheriklariga bir-biri bilan samarali muloqotda bo‘lish va buning natijasi o‘laroq o‘zini boshqaradigan avtomobillarning bozorga chiqish jarayonini tezlashtirishga ko‘mak beradi. Yangi markaz bazasida amalga oshiriladigan ilk vazifalardan biri gibrid kuch qurilmasiga ega robotlashtirilgan Chrysler Pacifica minivenlarini yaratish bo‘ladi.
Google va Fiat Chrysler (FCA) joriy oy boshida 100 ta shunday avtomobil chiqarish maqsadida kelishuv imzolaganini e’lon qilgandi. Pacifica minivenlari shu yil paydo bo‘lishi kerak, bu tufayli kompaniya robomobillari parki ikki barobardan oshiqqa ko‘payadi.
Izoh (0)