Toshkentning Qorasuv-6 dahasida VAZ-2102 “Jiguli”, MAN yuk mashinasi, Lacetti, Spark avtomobillari va ikki “Gazel” mikroavtobuslari ishtirokida yo‘l-transport hodisasi yuz berdi. Facebook’dagi “Voditeli Tashkenta” guruhida qoldirilgan fotoxabarga ko‘ra, hodisa 30-may, dushanba kuni 17:30—18:00 oralig‘ida yuz bergan.
Guvohlarning ta’kidlashicha, VAZ-2102 “Jiguli” haydovchisi ko‘chadan yugurib o‘tgan yigitni o‘tkazib yuborish uchun tormoz bosganida, uning ortidan MAN yuk mashinasi kelib urilgan. Zarb natijasida “Jiguli” oldindagi Lacetti’ga yetib olgan. Spark, ikki “Gazel” qanday qilib YTHga qo‘shilib qolgani aniq emas.
“Xudoga shukrki, hamma sog‘, hamma omon! “Jiguli” haydovchisi bugun ikkinchi tug‘ilgan kunini ham nishonlayversa bo‘ladi”, — deb yozadi hodisaga guvoh bo‘lgan va butunlay yaroqsiz ahvolga kelgan “Jiguli”ni evakuatorga ortishda qatnashgan Facebook foydalanuvchilaridan biri.
Izoh (0)