Rossiyalik Aleksandr Povetkinning 17-maydagi doping namunalari bokschi man etilgan meldoniy preparatini qabul qilmaganini ko‘rsatdi. Bu haqda sportchi manfaatlarini himoya qiluvchi “Mir boksa” kompaniyasi rahbari Andrey Ryabinskiy ma’lum qildi, deya xabar beradi “TASS”.
“VADA dasturiga ko‘ra beshta doping sinovi rejalashtirilgandi. Bizga ulardan 17-mayda bo‘lib o‘tgan oxirgisining xulosasi keldi, u salbiy natijani ko‘rsatgan. Povetkin toza bo‘lib chiqqan uchta doping sinovidan so‘ng meldoniydan foydalangani da’vo qilingandi. 17-may kunidagi namuna toza chiqqani esa u bu paytda meldoniy qabul qilgan bo‘lishi mumkin emasligini ko‘rsatadi. WBC ham natijalarni oldi, ularning bunga munosabati bizga hozircha ma’lum emas”, — deya ta’kidlagan Ryabinskiy.
Eslatib o‘tamiz, doping sinovida 70 nanogramm meldoniy topilgani uchun rossiyalik bokschining amerikalik Deontey Uaylderga qarshi jangi noma’lum muddatga qoldirilgan.
Izoh (0)