Mustaqil futbol assotsiatsiyalari konfederatsiyasi (ConIFA) hamkorligidagi futbol bo‘yicha jahon chempionati Abxaziyada boshlandi, deb yozadi “TASS”. Ochilish marosimi Suxumidagi besh ming kishilik “Dinamo” shahar stadionida bo‘lib o‘tdi.
O‘yinlar Suxumi va Gagradagi ikkita stadionda o‘tkaziladi. Chempionatning finali va yopilish marosimi 5-iyun kuni bo‘lib o‘tadi.
Mustaqil futbol assotsiatsiyalari konfederatsiyasi 2013-yilda tashkil etilgan bo‘lib, rasman FIFA tarkibiga kiritilmagan 35 ta mamlakat (asosan tan olinmagan davlatlar, davlat ichidagi muxtoriyatlar)ning futbol bo‘yicha terma jamoalarini birlashtiradi.
Bu yilgi chempionatda 12 ta — Abxaziya, Chagos orollari, G‘arbiy Armaniston, Kurdiston, Sekey o‘lkasi, Yaponiyadagi koreyslar ittifoqi, Shimoliy Kipr, Padaniya, Retsiya, Panjob, Laplandiya va Somalilend jamoalari qatnashadi.
Izoh (0)