Yagona interaktiv davlat xizmatlari portalida O‘zbekiston Avtomobil va daryo transporti agentligi boshlig‘ining “Siqilgan tabiiy gaz, suyultirilgan neft gazi yoki dizel va gazsimon yonilg‘i aralashmasida yuradigan avtotransport vositalarining texnik xavfsizligi va yong‘inga qarshi himoyasi bo‘yicha ko‘rsatmalarni tasdiqlash to‘g‘risida”gi buyrug‘ining loyihasi muhokama qilinmoqda, deb yozadi “Review.uz”.
Hujjatda, xususan, gaz-ballon uskunasi o‘rnatilgan avtomobillarga “Diqqat gaz” tanituvchi belgisini qo‘yish taklif qilingan.
Metall gaz-ballonning xizmat muddati ishlab chiqaruvchi zavod tomonidan belgilanadi, ammo u:
- STG (siqilgan tabiiy gaz) ballonlari uchun — 15 yil yoki 15 ming marta yoqilg‘i quyish siklidan;
- SNG (suyultirilgan neft gazi) ballonlari uchun — 15 yildan oshmasligi kerak.
Avtotransport vositalariga o‘rnatilgan gaz-ballonlarning barchasi vaqti-vaqti bilan texnik ko‘rikdan o‘tkaziladi. Chunonchi,
- STG ballonlari — har 3 yilda 1 marta;
- SNG ballonlari — har 2 yilda 1 marta tekshiruvdan o‘tkaziladi.
Izoh (0)