Toshkentga qaytayotgan yomg‘ir, O‘zbekiston bilan Tojikistonning farqiga bormaydigan “Rossiya 1”, OChLda 240 ming dollar ishlagan “Lokomotiv” va kunning boshqa qiziqarli xabarlari

26-mayning e’tiborga molik yangiliklari — “Daryo”ning kechki dayjestida.

1. Toshkentda 27-may kuni yomg‘ir yog‘adi va momaqaldiroq bo‘ladi. 27-may kuni kunduzi mamlakatning tog‘li hududlarida havo harorati +20…+25 daraja iliq bo‘ladi; Farg‘ona vodiysi viloyatlari va Toshkent shahrida +32 darajagacha iliq bo‘lishi kutilmoqda.

2. “Rossiya 1” telekanali O‘zbekistonni Tojikiston bilan adashtirdi. Qayd etish joiz, bu Rossiya televideniyesining O‘zbekistonga nisbatan birinchi marta xato qilishi emas.

3. O‘zbekiston 2016-yilda 1,6 mln tonnadan ziyod uzum yetishtiradi. Respublika bo‘yicha 2016-yilda 1661,3 ming tonna, 2013-yilga nisbatan 25,7 foiz ko‘p uzum yetishtirilishi kutilmoqda.

4. Hindistonda 7 kilogrammlik qizaloq tug‘ildi. Kesarcha kesish yordamida dunyoga keltirilgan qizaloq 19 yoshli onasining birinchi farzandi bo‘ldi.

5. “Lokomotiv” Osiyo Chempionlar Ligasining o‘zidan hozircha 240 ming AQSh dollari ishlab topdi. Jamoa Osiyo Chempionlar Ligasining finaliga yo‘l olsa, 1,5 million AQSh dollarini sanab oladi.

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.