O‘zbekistonda 2016-yilda 1,6 million tonnadan ortiq uzum yetishtirish rejalashtirilmoqda, bu 2013-yil bilan taqqoslaganda 25,7 foizga ko‘p demakdir, deb yozadi UzDaily “O‘zvinsanoat-Xolding” xolding kompaniyasiga tayanib.
2013—2015-yillar davomida respublika bo‘yicha qishloq xo‘jalik korxonalari va fermer xo‘jaliklari tomonidan 23,5 ming gektar yangi tokzorlar barpo etilib, 17,4 gektar maydondagi eski, samarasiz tokzorlar rekonstruksiya qilindi.
“O‘zvinosanoat-xolding” xolding kompaniyasi tomonidan ham tokzorlar maydoni kengaytirilib, uch yil davomida 2,5 ming gektar yangi tokzorlar barpo etilib, jami tokzorlar maydoni 6,2 ming gektarga yetkazildi.
Barcha toifadagi xo‘jaliklarda 2013-yilda 127,8 ming gektar tokzorlar, 2016-yilga kelib 143,0 ming gektarga yoki 112,6 foizga oshishi, shuningdek, 2013-yil yakuniga ko‘ra har gektardan o‘rtacha 116,1 sentnerdan hosil olingan bo‘lsa, bu ko‘rsatkich 2016-yilda 130,7 sentner bo‘lishi kutilmoqda.
Respublika bo‘yicha 2016-yilda 1661,3 ming tonna, 2013-yilga nisbatan 25,7 foiz ko‘p uzum yetishtirilishi kutilmoqda.
Izoh (0)