Toshkentda 26-may kuni “Yoshlar bosma ommaviy axborot vositalari veb-saytlarini rivojlantirishning dolzarb masalalari” mavzusida respublika ilmiy-amaliy seminari o‘tkazildi. Tadbir O‘zbekiston mustaqil bosma OAV va axborot agentliklarini qo‘llab-quvvatlash va rivojlantirish jamoat fondi tomonidan tashkil etildi.
Ushbu seminar O‘zbekistonda faoliyat yuritib kelayotgan yoshlar bosma OAVlari veb-saytlari faoliyatini tahlil qilish, ular oldida turgan muammolar, yutuq va kamchiliklar, istiqboldagi vazifalar xususida jurnalistlarga atroflicha ma’lumot berish maqsadida tashkil etildi.
Tadbirda Oliy Majlis Qonunchilik palatasi deputatlari, davlat hokimiyati va boshqaruvi organlari xodimlari, jamoat tashkilotlari, hududiy va markaziy bosma, onlayn OAV tahririyatlari va axborot agentliklari vakillari ishtirok etdi.
Seminarda qator masalalar bo‘yicha turli media soha mutaxassislari, ekspertlarning fikrlari tinglanib, yoshlar trendi va OAV vakillari tomonidan tayyorlanayotgan materiallarda e’tibor qaratilishi lozim jihatlar bo‘yicha xulosa va takliflar ishlab chiqildi, bildirilgan fikr-mulohazalar bo‘yicha ishtirokchilarga o‘zlarini qiziqtirgan masalalar yuzasidan batafsil ma’lumot berildi.
Izoh (0)