“Xayr, maktab — salom, kollej!”, 2016-yil uchun zakot miqdori, Sebzor ko‘prigi ustida to‘qnashgan 13 mashina va kunning boshqa muhim yangiliklari

25-mayning e’tiborga molik yangiliklari — “Daryo”ning kechki dayjestida.

1. Respublikadagi barcha umumta’lim maktablarida “Xayr, maktab – salom, kollej!” tadbirlari bo‘lib o‘tdi. 2015—2016-o‘quv yili davomida 476 616 nafar o‘quvchi umumta’lim maktablarini tamomlaydi.

2. Buxoro va Surxondaryoda 26-may kuni havo harorati +39 darajagacha ko‘tariladi. O‘zbekistonda 26-may, payshanba kuni havo o‘zgarib turadi, yog‘ingarchilik kutilmaydi.

3. 2016-yil uchun zakot, fitr sadaqa va fidya miqdori belgilandi. Fidya miqdori uzr bilan ro‘za tutolmaydigan kishilar uchun bir och odamning bir kunlik oziq-ovqati barobarida bo‘lib, o‘rtacha 10 000 (o‘n ming) so‘m deb belgilandi.

4. Video: Toshkentning Sebzor ko‘prigida yuz bergan uchta YTH natijasida 13 avtomobil to‘qnashdi. Mazkur yo‘l-transport hodisalari haydovchilar tomonidan avtomobillar o‘rtasidagi oraliq masofani saqlamaslik oqibatida yuz bergan.

5. Odil Ahmedov, Vitaliy Denisov va Sardor Rashidov O‘zbekiston milliy terma jamoasiga chaqirilmadi. O‘zbekiston milliy terma jamoasining Ekvatorial Gvineya va Kanada termalariga qarshi o‘rtoqlik o‘yinlari uchun tarkibi aniq bo‘ldi.

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.