Ўзбекистонда 2016 йилда 1,6 миллион тоннадан ортиқ узум етиштириш режалаштирилмоқда, бу 2013 йил билан таққослаганда 25,7 фоизга кўп демакдир, деб ёзади UzDaily «Ўзвинсаноат-Холдинг» холдинг компаниясига таяниб.
2013—2015 йиллар давомида республика бўйича қишлоқ хўжалик корхоналари ва фермер хўжаликлари томонидан 23,5 минг гектар янги токзорлар барпо этилиб, 17,4 гектар майдондаги эски, самарасиз токзорлар реконструкция қилинди.
«Ўзвиносаноат-холдинг» холдинг компанияси томонидан ҳам токзорлар майдони кенгайтирилиб, уч йил давомида 2,5 минг гектар янги токзорлар барпо этилиб, жами токзорлар майдони 6,2 минг гектарга етказилди.
Барча тоифадаги хўжаликларда 2013 йилда 127,8 минг гектар токзорлар, 2016 йилга келиб 143,0 минг гектарга ёки 112,6 фоизга ошиши, шунингдек, 2013 йил якунига кўра ҳар гектардан ўртача 116,1 центнердан ҳосил олинган бўлса, бу кўрсаткич 2016 йилда 130,7 центнер бўлиши кутилмоқда.
Республика бўйича 2016 йилда 1661,3 минг тонна, 2013 йилга нисбатан 25,7 фоиз кўп узум етиштирилиши кутилмоқда.
Изоҳ (0)