19 май, пайшанба куни Ўзбекистоннинг фақат тоғли ҳудудларида ёғингарчилик кузатилиши мумкин. Бу ҳақда «Ўзгидромет» маркази хабар бермоқда.
Хабар беришларича, 19 майга ўтар кечаси Ўзбекистоннинг тоғли ҳудудларида ҳаво ҳарорати +7...+12 даража, Тошкент шаҳрида +13...+15 даража, Фарғона водийси вилоятларида +13...+18 даража, қолган ҳудудларда эса +18...+22 даража илиқ бўлади.
Пайшанба куни кундузи мамлакатнинг тоғли жойларида ҳаво ҳарорати +17...+22 даража, Фарғона водийси вилоятлари ва Тошкент шаҳрида эса +23...+28 даража илиқ бўлиши кутилмоқда.
Тошкент, Самарқанд, Жиззах, Сирдарё вилоятларида 19 май куни кундузи ҳаво ҳарорати +30 даражагача, Қорақалпоғистон Республикаси ва Хоразм вилоятида +33 даражагача, Бухоро ва Навоийда +37 даражагача, Қашқадарё ва Сурхондарёда эса +38 даражагача кўтарилади.
19 майга ўтар кечаси ва 19 май кундузи Ўзбекистоннинг фақат тоғли ҳудудларида қисқа муддатли ёмғир ёғиши мумкин. Қолган ҳудудларда ёғингарчилик кутилмайди.
Изоҳ (0)