Avstraliyaning Yangi Janubiy Uels shtati koroneri Maykl Barns Malayziya “Boing”ining Donbassdagi aviahalokatida odamlarning o‘limi “ommaviy qotillik”ning bir qismi bo‘lganini e’tirof etdi, deb yozadi “RBK”.
Barns so‘zlariga ko‘ra, o‘limlarning barchasi “jangovar kallak portlashi tufayli samolyot katta balandlikdan qulashi natijasida olingan shikastlanishlar” oqibatida yuz bergan. “Halokatli jarohatlar laynerga ataylab jangovar kallakli raketa otgan, haligacha aniqlanmagan odam yoki odamlar tomonidan berilgan”, — deya ta’kidladi koroner.
“Koronerlar jinoiy aybni tergov qilmaydi, ammo ushbu o‘limlar qo‘pol yalpi qotillikning bir qismi bo‘lganini tan olmaslik behuda safsatabozlik bo‘lgan bo‘lardi”, — dedi u.
Eslatib o‘tamiz, Malaysia Airlines’ning Amsterdamdan Kuala-Lumpurga MH17 reysi bilan uchib ketayotgan “Boing-777” samolyoti 2014-yil 17-iyul kuni qulagan edi. Taxminlarga ko‘ra, layner Donbass hududidan urib tushirilgan. Samolyot bortida bo‘lgan 298 kishining barchasi halok bo‘lgan.
Ma’lumot uchun, koroner — noma’lum vaziyatlarda yuz bergan o‘lim sabablarini aniqlash kabi vazifalar bilan shug‘ullanadigan mansabdor shaxs.
Izoh (0)