Unique Pink deya nomlangan nok shaklidagi noyob pushti brilliant Jenevada, Sotheby’s auksionida rekord summa — 31,5 million dollarga sotildi. Bu haqda “RBK” xabar bermoqda.
“Bu qachondir favqulodda yorqin pushti olmos uchun to‘langan eng yuqori narx”, — deya jurnalistlarga ma’lum qilgan auksion uyi vakili Devid Bennett (o‘tgan yil noyabrida 16,08 qirotli Sweet Josephine pushti brillianti 28,5 million dollarga sotilgandi).
Brilliantning og‘irligi 15,38 qirot (karat) bo‘lib, u osiyolik xususiy shaxs tomonidan xarid qilingan. Sotheby’s olmosni dastlab 28—38 million dollarga baholagandi.
Izoh (0)