Ҳиндистонда кейинги уч ҳафта мобайнида 500 дан ортиқ киши жазирама қурбони бўлди. Ичимлик суви етишмаслигидан 330 миллион киши истиқомат қиладиган 256 округ аҳолиси азият чекмоқда. Бу ҳақда табиий офатлар оқибатларини бартараф этиш давлат департаменти маълум қилди, деб хабар беради «ТАСС».
Олдинроқ жазирама туфайли 300 дан ошиқ киши ўлгани билдирилганди.
Энг оғир ҳолатлар жанубий штатларда кузатилмоқда. Жумладан, ҳаво ҳарорати 48 даражага кўтарилган Одишьяда 198, қўшни Теланганада 260, Андхра-Прадешда 70 дан ошиқ киши ҳаддан зиёд юқори ҳарорат туфайли ҳалок бўлди.
«Жорий йилдаги ёз охирги 100 йил мобайнидаги энг жазирамалиси бўлади. Жанубда эса ҳарорат 48 даражадан ошиқ бўлиши мумкин», — деб огоҳлантирди Ҳиндистон метереология хизмати.
Изоҳ (0)