Toshkentning Amir Temur xiyoboni oldidagi ikki kurant ikki xil vaqtni ko‘rsatmoqda. Bu haqda Facebook’dagi “Maslahat.uz” guruhida fotoxabar qoldirilgan.
Fotoxabar muallifining yozishicha, ikki minoradan biridagi soat “uch kundan beri ikkinchisiga nisbatan 10 daqiqa oldinga o‘tib ketgan”.
Xabarga ilova qilingan fotosurat 14-may, shanba kuni soat 10:00 da olingani yozilgan. Unda soatlarning biri 10:00 ni, ikkinchisi esa 10:10 ni ko‘rsatib turibdi.
Ma’lumot uchun, Toshkent kuranti 1947-yili qurilgan bo‘lib, birinchi marta o‘sha yilning 30-aprel kuni bong urgan. 2009-yili kurantdan 30 metr uzoqlikda uning egizagi barpo etilgan edi.
Izoh (0)