Madridning “Real” jamoasi Forbes jurnalining talqini bo‘yicha dunyoning eng qimmat futbol klublari orasida birinchi o‘rinni saqlab qoldi, deb xabar bermoqda “Chempionat”.
Madrid klubining taxminiy qiymati 3,65 milliard dollarga baholanmoqda. “Real” ushbu ko‘rsatkich bo‘yicha faqatgina Milliy futbol ligasi (NFL)ning amerika futboli jamoasi, qiymati 4 milliard dollarga baholangan “Dallas Kovboyz”ga imkoniyatni boy bermoqda.
“Real” 2014/15-yilgi mavsumda 694 million dollar daromad topgan. Klubning daromadi Adidas va Emirates bilan homiylik shartnomalari, teletranslyatsiyalar huquqi qimmatlashishi va yevrokuboklardagi ishtiroki evaziga har yili 7,7 foizga oshmoqda.
Eng qimmat futbol klublari orasida 3,56 milliard dollarga baholangan “Barselona” ikkinchi, qiymati 3,32 milliard dollarga baholangan “Manchester Yunayted” esa uchinchi o‘rinda bormoqda.
Qayd etish joiz, “Real” ketma-ket to‘rtinchi yil dunyoning eng qimmat futbol klubi bo‘lib kelmoqda.
Forbes talqini bo‘yicha dunyoning eng qimmat 10 klubi ro‘yxati quyidagicha ko‘rinish olgan:
- (1) “Real Madrid” – 3,645 mlrd dollar
- (2) “Barselona” – 3,549 mlrd
- (3) “Manchester Yunayted” – $3,317 mlrd
- (4) “Bavariya” – 2,678 mlrd
- (7) “Arsenal” – 2,017 mlrd
- (5) “Manchester Siti” – 1,921 mlrd
- (6) “Chelsi” – 1,661 mlrd
- (8) “Liverpul” – 1,548 mlrd
- (9) “Yuventus” – 1,299 mlrd
- (13) “Tottenhem” – 1,017 mlrd
Izoh (0)