“Sinaloa” karteli yetakchisi, shu yil yanvarida qayta qo‘lga olingan “Pakana” laqabli narkobaron Xoakin Gusman Markaziy Meksikadagi qamoqxonadan AQSh bilan chegaradagi qamoqxonga ko‘chirildi. Biroq rasmiylar gap ekstraditsiya haqida ketmayotganligini bildirmoqda, deya xabar beradi “Vedomosti”.
AQSh Meksikaga Gusmanning ekstraditsiyasi to‘g‘risida 2014-yildayoq so‘rov jo‘natgandi — mamlakatda narkobaron bilan kamida yettita okrug sudi qiziqmoqda. Qo‘shma Shtatlar Gusmanni Kolumbiyadan kokain yetkazib berishni tashkil etganligi uchun javobgarlikka tortish niyatida.
Ma’lumot uchun, AQSh moliya vazirligi “Pakana”ni dunyodagi eng qudratli narkobaron deb biladi. Vatanida u 1 milliard dollar mol-mulki bilan eng badavlat kishilar o‘nligiga kiradi, nufuzi jihatidan esa milliarder Karlos Slimdan keyingi ikkinchi o‘rinda turadi.
Izoh (0)