O‘zbekistonning markaziy viloyatilarida 8-may, yakshanba kuni qisqa muddatli yog‘ingarchilik kuzatilishi mumkin, deya xabar bermoqda “O‘zgidromet” markazi.
Xabar berishlaricha, 8-mayga o‘tar kechasi O‘zbekistonning tog‘li hududlarida +7...+12 daraja, Qoraqalpog‘iston Respublikasi va Xorazm viloyatida +12...+17 daraja iliq bo‘ladi. Toshkent shahrida, shuningdek, Toshkent, Samarqand, Jizzax, Sirdaryo, Andijon, Namangan, Farg‘ona viloyatlarida +19 darajagacha, Buxoro va Navoiy viloyatlarida +22 darajagacha, Qashqadaryo va Surxondaryo viloyatlarida esa +23 darajagacha iliq bo‘lishi kutilmoqda.
8-may kuni kunduzi O‘zbekistonning tog‘li hududlarida havo harorati +17...+22 daraja iliq bo‘ladi. Qoraqalpog‘iston Respublikasi va Xorazm viloyatida havo harorati +28 darajagacha, Farg‘ona vodiysi viloyatlarida +30 darajagacha, Toshkent shahrida +32 darajagacha, Toshkent, Samarqand, Jizzax, Sirdaryo viloyatlarining ayrim hududlarida +33 darajagacha, Buxoro va Navoiy viloyatlarida +35 darajagacha, Qashqadaryo va Surxondaryo viloyatlarida esa +37 darajagacha ko‘tarilishi mumkin.
Toshkent shahrida 8-mayga o‘tar kechasi va 8-may kuni kunning ikkinchi yarmida qisqa muddatli yog‘ingarchilik kuzatilishi, momaqaldiroq bo‘lishi mumkin. Shuningdek, Toshkent, Jizzax va Sirdaryo viloyatlarida ham qisqa muddatli yomg‘ir yog‘ishi va momaqaldiroq bo‘lishi haqida xabar berilmoqda.
Izoh (0)