Toshkent chorrahalaridagi hamma narsani ko‘rayotgan kameralar, O‘zbekistonda boshlangan saylov, Osiyo uchun qimmatlashgan neft va kunning boshqa muhim xabarlari

6-mayning e’tiborga molik yangiliklari — “Daryo”ning kechki dayjestida.

1. O‘zbekistonda fuqarolar yig‘inlari saylovi boshlandi. Fuqarolar yig‘inlari raislari va ular maslahatchilarining navbatdagi saylovini o‘tkazish muddati 2016-yilning may—iyun oylari etib belgilangan.

2. Nobel mukofoti sohiblari KXDRda ma’ruzalar qildi. 2–5-may kunlari Nobel mukofoti sohiblari xalqaro akademik almashuv dasturi doirasida Shimoliy Koreyaning yetakchi oliygohlarida ma’ruzalar qildi.

3. Saudiya Arabistoni Osiyo uchun neft narxini keskin ko‘tardi. Iyunda Saudiya neftining asosiy markasi Osiyo bozorida Oman va Dubai navlari qiymatiga nisbatan 25 sentlik qo‘shimcha haq bilan sotiladi.

4. Pokiston hukumati 16 yoshli qizni tiriklay yoqishga buyruq bergan qabila kengashi a’zolarini hibsga oldi. Qabila kengashi a’zolari qishlog‘ining obro‘siga dog‘ tushirgani uchun qizni jazoga loyiq deb topgan.

5. Yo‘l bering, qizilda o‘tmang: Toshkent chorrahalariga o‘rnatilgan kameralar yozib olgan avariyalar. Internetda Toshkent shahri chorrahalariga o‘rnatilgan kuzatuv kameralari yozib olgan yo‘l-transport hodisalarining qisqa jamlanmasi paydo bo‘ldi.